Məşhur “kahin”: Türkiyə bu addımı atmasa...

15:55 28-11-2019 85

2018-ci ilin yay aylarında yaşanan valyuta böhranı ölkədə likvidlik böhranına yol açıb. Böhran özəl sektora təsir göstərib. Görülən bəzi tədbirlər sayəsində iqtisadi stabillik hələlik bərpa olunub. Cari kəsir getdikcə bağlanır. Bununla belə Türkiyə 2014-2015-ci ildən bu yana reformasiya həyata keçirmədi və həyata keçirə bilmir.

Axar.az xəbər verir ki, bunu “Sözcü” qəzetinə müsahibəsində “kahin” ləqəbli məşhur amerikalı iqtisadçı Nuriel Rubin deyib.

“Mərkəzi Bank həmlə edə bilmir və ya etməkdə gecikir. Bunun sayəsində Mərkəzi Bank lirədə yaşanan ucuzlaşmanı önləmək üçün maliyyə siyasətini ortaya qoymaq məcburiyyətində qaldı”, – deyə o bildirib.

Rubini Türkiyə Mərkəzi Bankı üzərində ciddi təzyiqin olduğunu söyləyib:

“Türkiyə Mərkəzi Bankı daha az müstəqil quruma çevrilib. Onun üzərində siyasi təzyiq var. Türkiyə Mərkəzi Bankı ABŞ Federal Ehtiyat Sistemindən daha müstəqil deyil, amma FES ona edilən təzyiqlərə daha güclü şəkildə müqavimət göstərə bilir. Türkiyə Mərkəzi Bankı faizləri çox sürətli və tez aşağı saldı. Bu, inkişaf etmiş ölkələrdə faizlər artacağı halda Türkiyə üçün böyük problemə səbəb olacaq”.

Bununla belə o, Türkiyənin çox açıq bazar və investisiyalar üçün uyğun olduğunu söyləyib:

“Türkiyənin infrastrukturu, maliyyə sektoru çox yaxşıdır. Türklərin önəmli iş adamları, təhsilli və bacarıqlı iş gücü var. Üstəlik, bu ölkə strateji nöqtədə yerləşir. Dövlətin xarici borcu çox deyil, maliyyə olaraq əsaslı bankları var. Türkiyə həmçinin illər ərzində böyümək imkanlarını təmin edərək, yoxsulluqla mübarizədə önəmli uğurlar qazanıb. Bunlar Türkiyənin böhranın öhdəsindən gəlməsi üçün əlini güclü edir. Bununla yanaşı, risklər də mövcuddur. Uzun illərdir pul və kredit siyasətində problemlər var. Dayandırılan infrastruktur reformlarının təkrarlanması lazımdır. Bununla böyümə yenidən başlaya və milyonlarla gənc insana imkan yarana bilər”.