Ekspert: Harda polis görsəniz, dərhal soruşun!

13:42 16-05-2019 99

Harada yol polisi görsəniz, yaxınlaşıb maşının nömrəsini deyərək, texniki baxış vaxtınızı öyrənin.

Axar.az xəbər verir ki, bu sözlərlə yol-nəqliyyat eksperti Elməddin Muradlı çıxış edib.

O bildirib ki, əks halda sürücülər 50 manat cərimə ediləcəklər:

“Azərbaycanda texniki baxışla bağlı qeyri-müəyyən durum yaranıb. Əksər sürücülər ən azı bir dəfə cərimə olunandan sonra xəbər tutur ki, texniki baxışın vaxtıdır. Bu qarışıq vəziyyəti həll etmək üçün sms xidməti yaratmaq lazımdır, onu da yaratmırlar. Odur ki, sürücülər diqqətli olsun. Harada yol polisi görsəniz, yaxınlaşıb maşınınızın nömrəsini deyib, texniki baxışın vaxtını öyrənin. Əks halda sizi 50 manat cərimə edəcəklər”.