ŞƏKİDƏ VƏTƏNDAŞ NƏDƏN NARAZILIQ EDİR? - GİLEY

17:04 08-07-2019 400

Şəki rayonu, Baş Şabalıd kənd sakini Məmmədsoy İsrafil Əhmədiyyə oğlu tərəfindən DİA.AZ-a şikayət ərizəsi ünvanlanıb. Narazı vətəndaş yazır:

"Mən sahibkarlıq fəaliyyətilə məşğul olmaq üçün Şəki rayonun Oxud kənd ərzisində çıxarışla əldə etdiyim 0,20 ha torpaq sahəsində mövcud qayda və qanunvericiliyə uyğun bir xidmət obyekti tikmişəm. Və çox təəssüfləndirici haldır ki, mən bu obyekti elektrik təchizatı olmadığına görə hələ də işlədə bilmirəm.

Obyektin elektrik enerjisilə təmin edilməsi üçün lazım olan texniki şərtin alınması üçün 2015-ci ildən Şəki Elektrik şəbəkəsinə müraciət etmişəm. Tələb edilən “rüsumu” ödəyib nəhayət texniki şərt ala bilmişəm. Bununla yanaşı obyektə qədər olan məsfəyədək öz hesabıma şalbanlar alıb basdırmışam, elektrik xətti çəkmişəm.Transformator almışam. Bir sözlə, deyiən və lazım olan bütün məslələri son 3 ildə icra etmişəm. Elə dərindən nəfəs alıb elektrik enerjisindən istifadə etmək üçün xəttin qoşulmasını istərkən “Azərişıq” SC-nin Şəki Elektrik Şəbəkəsi bildirdi ki, sən gedib “Azərişıq” ASC-nin Texniki Şərtlər Şöbəsindən bir texniki şərt arayış da alıb gətirməlisən ki, bizim yerli idarə sənin obyektini elektriklə təmin edək.

Odur ki, cənab Energetika naziri Pərviz müəllimdən də “Azərenerji” ASC rəhbəri Baba müəllimdən də xahiş edirəm ki, şeytanların da, inkir-minkirin də baş aça bilmədiyi Şəkinin aidiyyatı yerli işıq məmurlarının tələb etdiklərini bu formal arayışın ( Texniki Şərtim olduğu yerdə) alınıb onlara verilməsinin belə vacib olmasını əvvəlcə araşdırıb sonra köməklik göstərsinlər ki, mən yayın bu ortasında nəhayət evimi-eşiyimi satıb aldığım balaca obyekti işlədə bilim. Yenə xahişim budur ki, yerli məmuralar məni Məlikməmmədin nağılında olduğu kimi onun gününə salmasınlar. Həqiqətən lazımdırsa mənə bu Texniki Şərtimin olması barədə arayışın verilməsində köməklik göstərilsin.

Cənab Prezidentdən də xahişim budur ki, rayonların sosial inkişafı üçün keçirdiyi islahatların, dövlət proqramlarının icrası zamanı aidiyyatı yerli məmurlar tərəfindən biz xırda sahibkarlara yaradılan süni əngəlliyin, maneələrin, yersiz süründürməçiliyin qarşısının dərhal alınması barədə göstəriş verəsiniz".